زیست کیا ہے حماقتوں کے سوا
زیست کیا ہے حماقتوں کے سوا
چند ظالم صداقتوں کے سوا
ہم نے دانشوروں سے کیا سیکھا
الجھی الجھی عبارتوں کے سوا
فن کو ورثے میں کیا دیا ہم نے
خوب صورت علامتوں کے سوا
ہم نے اس زندگی سے کیا پایا
چند ذہنی رفاقتوں کے سوا
ان بڑی طاقتوں کے پاس ہے کیا
چھوٹی چھوٹی رقابتوں کے سوا
آستینوں میں دوستوں کی ہے کیا
پس پردہ عداوتوں کے سوا
کیا ہے تہذیب مغربی کا نشاں
اونچی اونچی عمارتوں کے سوا
یہ سیاست کی گرمئ رفتار
کیا ہے مہمل بجھارتوں کے سوا
کیا لیا ہم نے اپنے ماضی سے
نیم مردہ روایتوں کے سوا
اپنی منزل نہیں کوئی شاید
جان لیوا مسافتوں کے سوا
اپنا سرمایۂ حیات ہے کیا
رنگ در رنگ ساعتوں کے سوا
مأخذ:
Pakistani Adab (Pg. 474)
- مصنف: Dr. Rashid Amjad
-
- اشاعت: 2009
- ناشر: Pakistan Academy of Letters, Islambad, Pakistan
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
