zikr-e-gul jab bhi chale Khaar ka pahlu nikle

zikr-e-gul jab bhī chale ḳhaar kā pahlū nikle

nek-ḳhū meñ jahāñ chāhūñ vahīñ bad-ḳhū nikle

apne dukh dard ko sochā to hañsā bhī lekin

ġham ke māroñ pe nazar Daalī to aañsū nikle

yuuñ bhī vo mere taḳhayyul meñ numūdār huā

koī jaise kisī chilman se parī-rū nikle

har taraf phuul khileñ hañstī bahāreñ aa.iiñ

maiñ isī aas meñ baiThā huuñ kabhī tū nikle

jin ke adnā se ishāroñ ne machā dī halchal

vo kamāñ ai mire hamdam tire abrū nikle

jinheñ insāñ kī mohabbat kā bharam rakhnā thā

merī duniyā ke vahī log dayālū nikle

tesha-o-koh to mash.hūr hue hī 'manzil'

aise nikle to faqat mere hī baazū nikle

zikr-e-gul jab bhi chale KHar ka pahlu nikle

nek-KHu mein jahan chahun wahin bad-KHu nikle

apne dukh dard ko socha to hansa bhi lekin

gham ke maron pe nazar Dali to aansu nikle

yun bhi wo mere taKHayyul mein numudar hua

koi jaise kisi chilman se pari-ru nikle

har taraf phul khilen hansti bahaaren aain

main isi aas mein baiTha hun kabhi tu nikle

jin ke adna se ishaaron ne macha di halchal

wo kaman ai mere hamdam tere abru nikle

jinhen insan ki mohabbat ka bharam rakhna tha

meri duniya ke wahi log dayalu nikle

tesha-o-koh to mashhur hue hi 'manzil'

aise nikle to faqat mere hi bazu nikle