zikr ta fikr nazar tak mahdud

zikr tā fikr nazar tak mahdūd

justujū saarī ḳhabar tak mahdūd

kar diyā ham ne hī nādānī meñ

mo.ajiza shaqq-e-qamar tak mahdūd

kyā bujhā pā.egī namrūd kī aag

vo ibādat jo hai Dar tak mahdūd

kuchh nahīñ zaat ke nauhe ke sivā

is adab meñ jo hai shar tak mahdūd

shaiḳh kī saarī kamā.ī afsos

rah ga.ī la.al-o-gohar tak mahdūd

aaj bhī haiñ mire qadmoñ ke nishāñ

bas tirī rāhguzar tak mahdūd

ishq meñ koī bhī saudā 'āsim'

ham ne kab rakkhā hai sar tak mahdūd

zikr ta fikr nazar tak mahdud

justuju sari KHabar tak mahdud

kar diya hum ne hi nadani mein

moajiza shaqq-e-qamar tak mahdud

kya bujha paegi namrud ki aag

wo ibaadat jo hai Dar tak mahdud

kuchh nahin zat ke nauhe ke siwa

is adab mein jo hai shar tak mahdud

shaiKH ki sari kamai afsos

rah gai lal-o-gohar tak mahdud

aaj bhi hain mere qadmon ke nishan

bas teri rahguzar tak mahdud

ishq mein koi bhi sauda 'asim'

hum ne kab rakkha hai sar tak mahdud