ذکر تا فکر نظر تک محدود
ذکر تا فکر نظر تک محدود
جستجو ساری خبر تک محدود
کر دیا ہم نے ہی نادانی میں
معجزہ شق قمر تک محدود
کیا بجھا پائے گی نمرود کی آگ
وہ عبادت جو ہے ڈر تک محدود
کچھ نہیں ذات کے نوحے کے سوا
اس ادب میں جو ہے شر تک محدود
شیخ کی ساری کمائی افسوس
رہ گئی لعل و گہر تک محدود
آج بھی ہیں مرے قدموں کے نشاں
بس تری راہ گزر تک محدود
عشق میں کوئی بھی سودا عاصمؔ
ہم نے کب رکھا ہے سر تک محدود
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
