زندگی ہی زندگی چاروں طرف ہے
زندگی ہی زندگی چاروں طرف ہے
آنکھ ہو تو روشنی چاروں طرف ہے
کیا زمیں کیا آسماں کیا دشت و دریا
آدمی کی برتری چاروں طرف ہے
ایک مرکز پر ٹھہرتا ہی نہیں ہے
ذہن کی آوارگی چاروں طرف ہے
دیکھیے تو ہے اجالا ہی اجالا
سوچئے تو تیرگی چاروں طرف ہے
آنکھ سے اوجھل ترا چہرہ ہے لیکن
اک علامت سی تری چاروں طرف ہے
کچھ نہ کچھ ہے آج کل میں ہونے والا
اک مکمل خامشی چاروں طرف ہے
چھوڑ کر جاتے ہو گھر معصومؔ صاحب
سوچ لو دنیا یہی چاروں طرف ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
