زندگی کا نصاب بے معنی
زندگی کا نصاب بے معنی
اس کے حق میں کتاب بے معنی
حاصل تجربات خاموشی
سب سوال و جواب بے معنی
خواب ٹوٹا ہوا ستارۂ شب
اور تعبیر خواب بے معنی
حسن کے بے شمار جلوے ہیں
زحمت انتخاب بے معنی
وہی بندے وہی چلن ان کا
نعرۂ انقلاب بے معنی
اک خیالی بہشت کی خاطر
فکر روز حساب بے معنی
فرد کے احتساب سے پہلے
قوم کا احتساب بے معنی
جس کے رخ پر حیا کا پردہ ہو
اس کے رخ پر نقاب بے معنی
موج در موج ہو تو بات بھی ہے
قطرہ قطرہ شراب بے معنی
کچھ بھی کر لے زمیں نہ ہوگا کبھی
عرش پر آفتاب بے معنی
خارزاروں میں گھر بنا کے کنولؔ
آرزوئے گلاب بے معنی
مأخذ:
درد آشنا (Pg. 53)
- مصنف: جی۔ آر۔ کنول
-
- ناشر: لوٹس بکس، نئی دہلی
- سن اشاعت: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
