zindagi ka nishan hain hum log

zindagī kā nishān haiñ ham log

ai zamīn āsmān haiñ ham log

roz jiite haiñ roz marte haiñ

kis qadar saḳht-jān haiñ ham log

zindagī muskurā to de ik baar

ek shab mehmān haiñ ham log

sūrateñ dhuul ho chukī haiñ magar

husn ke pāsbān haiñ ham log

ḳhud se milte haiñ dushmanoñ kī tarah

ġhair par mehrbān haiñ ham log

ik yahī dard to milā hai hameñ

sher-o-naġhma kī jaan haiñ ham log

shāḳh-e-gul meñ jo ham lachak jaa.eñ

khiñch ga.e to kamān haiñ ham log

ham se miltā hai manziloñ kā pata

aur ḳhud be-nishān haiñ ham log

ab bhī lipTe haiñ terī Thokar se

zindagī terī aan haiñ ham log

zindagi ka nishan hain hum log

ai zamin aasman hain hum log

roz jite hain roz marte hain

kis qadar saKHt-jaan hain hum log

zindagi muskura to de ek bar

ek shab mehman hain hum log

suraten dhul ho chuki hain magar

husn ke pasban hain hum log

KHud se milte hain dushmanon ki tarah

ghair par mehrban hain hum log

ek yahi dard to mila hai hamein

sher-o-naghma ki jaan hain hum log

shaKH-e-gul mein jo hum lachak jaen

khinch gae to kaman hain hum log

hum se milta hai manzilon ka pata

aur KHud be-nishan hain hum log

ab bhi lipTe hain teri Thokar se

zindagi teri aan hain hum log