zindagi ka safar KHatm hota raha tum mujhe dam-ba-dam yaad aate rahe

zindagī kā safar ḳhatm hotā rahā tum mujhe dam-ba-dam yaad aate rahe

merī vīrān palkoñ pe din Dhalte hī kuchh sitāre magar jagmagāte rahe

luT ga.ī zindagī bujh ga.e diip bhī duur tak phir na baaqī rahī raushnī

is añdhere meñ bhī ham tirī yaad se apnī vīrān mahfil sajāte rahe

tum se bichhḌe hue ek muddat huī din guzartā rahā vaqt Taltā rahā

shaam aatī rahī dil dhaḌaktā rahā ham charāġh-e-mohabbat jalāte rahe

ek tum hī na the varna har chiiz thī chāñd ke saath thī raat kī dil-kashī

saaz bajtā rahā lai ubhartī rahī raqs hotā rahā log gaate rahe

yuuñ na koī jiye jis tarah ham jiye zindagī bhar kisī ko na apnā sake

bevafā.ī mirā dil jalātī rahī pyaar ke naam par choT khāte rahe

zindagi ka safar KHatm hota raha tum mujhe dam-ba-dam yaad aate rahe

meri viran palkon pe din Dhalte hi kuchh sitare magar jagmagate rahe

luT gai zindagi bujh gae dip bhi dur tak phir na baqi rahi raushni

is andhere mein bhi hum teri yaad se apni viran mahfil sajate rahe

tum se bichhDe hue ek muddat hui din guzarta raha waqt Talta raha

sham aati rahi dil dhaDakta raha hum charagh-e-mohabbat jalate rahe

ek tum hi na the warna har chiz thi chand ke sath thi raat ki dil-kashi

saz bajta raha lai ubharti rahi raqs hota raha log gate rahe

yun na koi jiye jis tarah hum jiye zindagi bhar kisi ko na apna sake

bewafai mera dil jalati rahi pyar ke nam par choT khate rahe