zindagi karwan ka hissa hai
zindagī kārvāñ kā hissa hai
hijr kī dāstāñ kā hissa hai
shakl bhī to hai aks kī bāñdī
naqsh bhī to nishāñ kā hissa hai
apnā apnā maqām hotā hai
zarra zarra jahāñ kā hissa hai
kis liye mehrbāñ nahīñ hotī
kyā zamīñ āsmāñ kā hissa hai
kas liye de rahe ho tāvīleñ
vo jahāñ hai vahāñ kā hissa hai
phir to ḳhāna-badoshī behtar hai
ki jab aziyyat makāñ kā hissa hai
phir to naav lage kināre bhī
samt agar bādbāñ kā hissa hai
tū hī fikr-e-ayāñ kā markaz bhī
tū hī harf-e-nihāñ kā hissa hai
lab pe tere jo aa ke bikhrā hai
vo bhī mere bayāñ kā hissa hai
zindagi karwan ka hissa hai
hijr ki dastan ka hissa hai
shakl bhi to hai aks ki bandi
naqsh bhi to nishan ka hissa hai
apna apna maqam hota hai
zarra zarra jahan ka hissa hai
kis liye mehrban nahin hoti
kya zamin aasman ka hissa hai
kas liye de rahe ho tawilen
wo jahan hai wahan ka hissa hai
phir to KHana-badoshi behtar hai
ki jab aziyyat makan ka hissa hai
phir to naw lage kinare bhi
samt agar baadban ka hissa hai
tu hi fikr-e-ayan ka markaz bhi
tu hi harf-e-nihan ka hissa hai
lab pe tere jo aa ke bikhra hai
wo bhi mere bayan ka hissa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
