zindagi kaise ajab moD pe le aai hai

zindagī kaise 'ajab moḌ pe le aa.ī hai

bhiiḌ sī bhiiḌ hai tanhā.ī sī tanhā.ī hai

jo bhī miltā hai du'ā detā hai marne kī mujhe

dil lagāne kī bhī kyā ḳhuub sazā paa.ī hai

sar uThātī huī hasrat kā huā qatl-e-'ām

dil vo duniyā hai jahāñ 'ālam-e-tanhā.ī hai

tum mire sāmne aao to 'ināyat hogī

dil kī dahlīz pe baiThī huī tanhā.ī hai

jis ke jiine ke liye tum ne du'ā māñgī ho

aise 'āshiq ko bhalā maut kahāñ aa.ī hai

ḳhaak rakkhegā mire zaḳhm pe marham 'āfī'

ye zamāna jo haqīqat meñ tamāshā.ī hai

zindagi kaise 'ajab moD pe le aai hai

bhiD si bhiD hai tanhai si tanhai hai

jo bhi milta hai du'a deta hai marne ki mujhe

dil lagane ki bhi kya KHub saza pai hai

sar uThati hui hasrat ka hua qatl-e-'am

dil wo duniya hai jahan 'alam-e-tanhai hai

tum mere samne aao to 'inayat hogi

dil ki dahliz pe baiThi hui tanhai hai

jis ke jine ke liye tum ne du'a mangi ho

aise 'ashiq ko bhala maut kahan aai hai

KHak rakkhega mere zaKHm pe marham 'afi'

ye zamana jo haqiqat mein tamashai hai