زندگی کے بہت مسائل ہیں
زندگی کے بہت مسائل ہیں
ہر قدم پر پہاڑ حائل ہیں
اے دل بے قرار مدت سے
ہم تری وحشتوں کے قائل ہیں
ایسے تکتے ہیں آپ کی جانب
جیسے موسم نہیں ہیں سائل ہیں
پھول خوشبو ہوا شجر بارش
ایک تیری طرف ہی مائل ہیں
فاصلہ تو بہت ہی کم ہے مگر
درمیاں میں کئی مسائل ہیں
اس کے چہرے کے سامنے فرحتؔ
رنگ اور روشنی بھی زائل ہیں
صرف صحراؤں ہی کی بات نہیں
بستیوں میں بھی تیرے گھائل ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.