زندگی کی بہار ہو جاؤ
تم مرا اعتبار ہو جاؤ
میں تمہیں سوچتی رہوں پل پل
تم مرا انتظار ہو جاؤ
پیار میں بے بسی نہیں چلتی
صاحب اختیار ہو جاؤ
مجھ کو اپنا شکار کر لو تم
ورنہ میرا شکار ہو جاؤ
جان لو گے مری محبت کو
دشمنوں میں شمار ہو جاؤ
تیر بن جاؤ تم محبت میں
پھر کلیجے کے پار ہو جاؤ
کہہ رہی ہوں تمہیں شرافت سے
بس مرے ایک بار ہو جاؤ
پھول کب تم سے چاہتی ہوں میں
میرے رستے کے خار ہو جاؤ
تم سے مل کر قرار آ جائے
اس طرح بے قرار ہو جاؤ
مری آنکھوں کو دیکھنے والو
آج دریا کے پار ہو جاؤ
ایک دن بس یوںہی ثبینؔ کبھی
اس کے ہونٹوں کا پیار ہو جاؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
