zindagi maut ke pahlu mein bhali lagti hai

Saleem Ahmed

zindagi maut ke pahlu mein bhali lagti hai

Saleem Ahmed

MORE BYSaleem Ahmed

    zindagī maut ke pahlū meñ bhalī lagtī hai

    ghaas is qabr pe kuchh aur harī lagtī hai

    roz kāġhaz pe banātā huuñ maiñ qadmoñ ke nuqūsh

    koī chaltā nahīñ aur ham-safarī lagtī hai

    aañkh mānūs-e-tamāshā nahīñ hone paatī

    kaisī sūrat hai ki har roz na.ī lagtī hai

    ghaas meñ jazb hue hoñge zamīñ ke aañsū

    paañv rakhtā huuñ to halkī namī lagtī hai

    sach to kah duuñ magar is daur ke insānoñ ko

    baat jo dil se nikaltī hai burī lagtī hai

    mere shīshe meñ utar aa.ī hai jo shām-e-firāq

    vo kisī shahr-e-nigārāñ parī lagtī hai

    buuñd bhar ashk bhī Tapkā na kisī ke ġham meñ

    aaj har aañkh koī abr-e-tahī lagtī hai

    shor-e-tiflāñ bhī nahīñ hai na raqīboñ hujūm

    lauT aao ye koī aur galī lagtī hai

    ghar meñ kuchh kam hai ye ehsās bhī hotā hai 'salīm'

    ye bhī khultā nahīñ kis shai kamī lagtī hai

    zindagi maut ke pahlu mein bhali lagti hai

    ghas is qabr pe kuchh aur hari lagti hai

    roz kaghaz pe banata hun main qadmon ke nuqush

    koi chalta nahin aur ham-safari lagti hai

    aankh manus-e-tamasha nahin hone pati

    kaisi surat hai ki har roz nai lagti hai

    ghas mein jazb hue honge zamin ke aansu

    panw rakhta hun to halki si nami lagti hai

    sach to kah dun magar is daur ke insanon ko

    baat jo dil se nikalti hai buri lagti hai

    mere shishe mein utar aai hai jo sham-e-firaq

    wo kisi shahr-e-nigaran ki pari lagti hai

    bund bhar ashk bhi Tapka na kisi ke gham mein

    aaj har aankh koi abr-e-tahi lagti hai

    shor-e-tiflan bhi nahin hai na raqibon ka hujum

    lauT aao ye koi aur gali lagti hai

    ghar mein kuchh kam hai ye ehsas bhi hota hai 'salim'

    ye bhi khulta nahin kis shai ki kami lagti hai

    RECITATIONS

    Nomaan Shauque

    Nomaan Shauque

    Nomaan Shauque

    zindagi maut ke pahlu mein bhali lagti hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY