زندگی سے ہو مفر ممکن نہیں
زندگی سے ہو مفر ممکن نہیں
لاکھ چاہو تم مگر ممکن نہیں
دوسروں کے واسطے سایہ تو ہے
زیر سایہ ہو شجر ممکن نہیں
زندگی میں ایسے وہ شامل ہوا
اس کے بن اب یہ سفر ممکن نہیں
آگہی ہو اور سکون قلب سے
عمر ہو جائے بسر ممکن نہیں
عشق سے دامن بچا کر ہی چلو
جان سے جانا اگر ممکن نہیں
راہ حق میں لاکھ پتھر آئیں گے
صاف ہو اس کی ڈگر ممکن نہیں
طاہرہؔ اس سنگ دل کو چھوڑ دے
زندگی میں صبر گر ممکن نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.