zindagi teri talab thi to zamane dekhe

zindagī terī talab thī to zamāne dekhe

marte marte ka.ī jiine ke bahāne dekhe

hausla thā yā karam ho ki vafādārī ho

ham ne ulfat meñ ka.ī ḳhvāb suhāne dekhe

aañkh se jaarī rahā ashkoñ kā bahnā kyūñkar

ġham ne Thukrāyā to phir zaḳhm purāne dekhe

zaḳhm par zaḳhm lagāne kī na aadat thī use

mere qātil ne na.e roz nishāne dekhe

aap kā jurm nahīñ ham hī ḳhatā kar baiThe

dil ne bas chāhā tumheñ ġham ne Thikāne dekhe

ham pe ulfat kī huī aisī atā.eñ 'bāliġh'

jis taraf DhūñD liye ġham ke ḳhazāne dekhe

zindagi teri talab thi to zamane dekhe

marte marte kai jine ke bahane dekhe

hausla tha ya karam ho ki wafadari ho

hum ne ulfat mein kai KHwab suhane dekhe

aankh se jari raha ashkon ka bahna kyunkar

gham ne Thukraya to phir zaKHm purane dekhe

zaKHm par zaKHm lagane ki na aadat thi use

mere qatil ne nae roz nishane dekhe

aap ka jurm nahin hum hi KHata kar baiThe

dil ne bas chaha tumhein gham ne Thikane dekhe

hum pe ulfat ki hui aisi ataen 'baaligh'

jis taraf DhunD liye gham ke KHazane dekhe