zindagi uski sar-e-dasht basar ho jae

zindagī us kī sar-e-dasht basar ho jaa.e

jo tujhe DhūñDne nikle vo shajar ho jaa.e

'ain mumkin hai ubhar aa.e sitāra aisā

raat ke pankh jhaḌeñ aur sahar ho jaa.e

merī koshish hai ki maiñ dil na dukhā.ūñ terā

phir bhī ai dost koī baat agar ho jaa.e

maiñ kabhī zindagī kah kar na pukārūñgā tujhe

zindagī kahte haiñ us ko jo basar ho jaa.e

jis tarah pyaas meñ rotā huā bachchā koī

khilkhilā uThtā huuñ jab misra'-e-tar ho jaa.e

is meñ ābād parindoñ kī du'ā hai 'tābish'

ye kirā.e kā makāñ hī mirā ghar ho jaa.e

zindagi us ki sar-e-dasht basar ho jae

jo tujhe DhunDne nikle wo shajar ho jae

'ain mumkin hai ubhar aae sitara aisa

raat ke pankh jhaDen aur sahar ho jae

meri koshish hai ki main dil na dukhaun tera

phir bhi ai dost koi baat agar ho jae

main kabhi zindagi kah kar na pukarunga tujhe

zindagi kahte hain us ko jo basar ho jae

jis tarah pyas mein rota hua bachcha koi

khilkhila uThta hun jab misra'-e-tar ho jae

is mein aabaad parindon ki du'a hai 'tabish'

ye kirae ka makan hi mera ghar ho jae