زندگی اس کی سر دشت بسر ہو جائے

زندگی اس کی سر دشت بسر ہو جائے

جو تجھے ڈھونڈنے نکلے وہ شجرؔ ہو جائے

عین ممکن ہے ابھر آئے ستارہ ایسا

رات کے پنکھ جھڑیں اور سحر ہو جائے

میری کوشش ہے کہ میں دل نہ دکھاؤں تیرا

پھر بھی اے دوست کوئی بات اگر ہو جائے

میں کبھی زندگی کہہ کر نہ پکاروں گا تجھے

زندگی کہتے ہیں اس کو جو بسر ہو جائے

جس طرح پیاس میں روتا ہوا بچا کوئی

کھلکھلا اٹھتا ہوں جب مصرع تر ہو جائے

اس میں آباد پرندوں کی دعا ہے تابشؔ

یے کرائے کا مکاں ہی مرا گھر ہو جائے