zulf-e-dauran hai kahan saya-fagan mere baad

zulf-e-daurāñ hai kahāñ sāya-fagan mere ba.ad

muntazir der se haiñ dār-o-rasan mere ba.ad

kis ko dil-bastagi-e-ġham kā salīqa sauñpūñ

sochtā huuñ ki na mar jaa.e ye fan mere ba.ad

maiñ zamāne se uThā rasm-e-vafā kī sūrat

phirnā ubhrī kisī māthe pe shikan mere ba.ad

mere dam tak to zar-e-gul kī bhī qīmat na uThī

ḳhaak ke mol ga.ī arz-e-chaman mere ba.ad

hosh-mandī kī sazā de na kisī ko yārab

dam-ba-ḳhud pahle se haiñ ahl-e-vatan mere ba.ad

bazm-e-hastī hai ki ik boltā sannāTā hai

aa ga.ī vaqt kī sāñsoñ meñ ghuTan mere ba.ad

raushnī-sāz-zamāna huuñ to ye aalam hai

dekhiye kyā ho zamāne kā chalan mere ba.ad

mil hī jā.egā koī zarf-o-nazar kā maarā

dil-shikasta na raheñ rañj-o-mehan mere ba.ad

vaqt ne zehniyateñ kitnī badal Daalī haiñ

bijliyāñ tak haiñ havā-ḳhvāh-e-chaman mere ba.ad

mujh pe hañstā hai zamāna to koī baat nahīñ

rañg lā.egī mire dil kī jalan mere ba.ad

maut bar-haq hai magar 'shauq' ye manzūr nahīñ

un ke chehre pe ho sadme kī thakan mere ba.ad

zulf-e-dauran hai kahan saya-fagan mere baad

muntazir der se hain dar-o-rasan mere baad

kis ko dil-bastagi-e-gham ka saliqa saunpun

sochta hun ki na mar jae ye fan mere baad

main zamane se uTha rasm-e-wafa ki surat

phirna ubhri kisi mathe pe shikan mere baad

mere dam tak to zar-e-gul ki bhi qimat na uThi

KHak ke mol gai arz-e-chaman mere baad

hosh-mandi ki saza de na kisi ko yarab

dam-ba-KHud pahle se hain ahl-e-watan mere baad

bazm-e-hasti hai ki ek bolta sannaTa hai

aa gai waqt ki sanson mein ghuTan mere baad

raushni-saz-zamana hun to ye aalam hai

dekhiye kya ho zamane ka chalan mere baad

mil hi jaega koi zarf-o-nazar ka mara

dil-shikasta na rahen ranj-o-mehan mere baad

waqt ne zehniyaten kitni badal Dali hain

bijliyan tak hain hawa-KHwah-e-chaman mere baad

mujh pe hansta hai zamana to koi baat nahin

rang laegi mere dil ki jalan mere baad

maut bar-haq hai magar 'shauq' ye manzur nahin

un ke chehre pe ho sadme ki thakan mere baad