ظلم حد سے گزرتا رہا
ظلم حد سے گزرتا رہا
اشک فریاد کرتا رہا
ڈر نہیں دشمنوں کا مجھے
اپنے سائے سے ڈرتا رہا
اس کا کردار تھا آئنہ
عمر بھر میں سنورتا رہا
پوچھ کر خیریت وہ مری
اور بیمار کرتا رہا
زندگی تیری تعمیر میں
ٹوٹ کر میں بکھرتا رہا
ایک پل کی خوشی کے لئے
آدمی روز مرتا رہا
رنگ محفل تو بدلا نہیں
لاکھ کوشش میں کرتا رہا
کون جاویدؔ دل میں ترے
رفتہ رفتہ اترتا رہا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
