zulm se darguzar nahin aata

zulm se darguzar nahīñ aatā

haañ mujhe ye hunar nahīñ aatā

jab talak mere sar nahīñ aatā

un kā ilzām bar nahīñ aatā

tab falak par qamar nahīñ aatā

yaar jab baam par nahīñ aatā

farq-e-zer-o-zabar nahīñ aatā

mujh ko kuchh bhī nazar nahīñ aatā

hijratoñ kī añdherī rāhoñ meñ

chaltā jaatā huuñ ghar nahīñ aatā

chashm-e-nargis udaas rahtī hai

ab koī dīda-var nahīñ aatā

baat maiñ saaf saaf kartā huuñ

mujh ko ye gar magar nahīñ aatā

zindagī itnī der mohlat de

jab talak nāma-bar nahīñ aatā

jaane kab se huuñ muntazir us kā

par mirā muntazar nahīñ aatā

ishq detā hai ḳhud ḳhabar apnī

le ke qāsid ḳhabar nahīñ aatā

umr bhī lauT kar nahīñ aatī

vaqt bhī lauT kar nahīñ aatā

phir na mil pā.ūñgā zamāne se

yaad ḳhud ko agar nahīñ aatā

raushnī se bane jo hote haiñ

un kā saaya nazar nahīñ aatā

vaqt vo mehmān hai 'hassān'

jo kabhī lauT kar nahīñ aatā

zulm se darguzar nahin aata

han mujhe ye hunar nahin aata

jab talak mere sar nahin aata

un ka ilzam bar nahin aata

tab falak par qamar nahin aata

yar jab baam par nahin aata

farq-e-zer-o-zabar nahin aata

mujh ko kuchh bhi nazar nahin aata

hijraton ki andheri rahon mein

chalta jata hun ghar nahin aata

chashm-e-nargis udas rahti hai

ab koi dida-war nahin aata

baat main saf saf karta hun

mujh ko ye gar magar nahin aata

zindagi itni der mohlat de

jab talak nama-bar nahin aata

jaane kab se hun muntazir us ka

par mera muntazar nahin aata

ishq deta hai KHud KHabar apni

le ke qasid KHabar nahin aata

umr bhi lauT kar nahin aati

waqt bhi lauT kar nahin aata

phir na mil paunga zamane se

yaad KHud ko agar nahin aata

raushni se bane jo hote hain

un ka saya nazar nahin aata

waqt wo mehman hai 'hassan'

jo kabhi lauT kar nahin aata