ظلمت شب ہی سحر ہو جائے گی
ظلمت شب ہی سحر ہو جائے گی
شدت غم چارہ گر ہو جائے گی
رونے والے یوں مصیبت پر نہ رو
زندگی اک درد سر ہو جائے گی
بعد تعمیر مکاں زنجیر غم
الفت دیوار و در ہو جائے گی
لا دلیل عشق و مستی درمیاں
ختم بحث خیر و شر ہو جائے گی
ذکر اپنا جا بجا اچھا نہیں
سب کہانی بے اثر ہو جائے گی
صبح راحت کے تصور کے طفیل
ہر شب غم مختصر ہو جائے گی
صرف و عزم آتشیں درکار ہے
عمر سرگرم سفر ہو جائے گی
آ رہا ہے انقلاب حشر خیز
زندگی زیر و زبر ہو جائے گی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
