zulmat-kade mein mere shab-e-gham ka josh hai

Mirza Ghalib

zulmat-kade mein mere shab-e-gham ka josh hai

Mirza Ghalib

MORE BYMirza Ghalib

    zulmat-kade meñ mere shab-e-ġham josh hai

    ik sham.a hai dalīl-e-sahar so ḳhamosh hai

    ne muzhda-e-visāl na nazzāra-e-jamāl

    muddat huī ki āshtī-e-chashm-o-gosh hai

    mai ne kiyā hai husn-e-ḳhud-ārā ko be-hijāb

    ai shauq! haañ ijāzat-e-taslīm-e-hosh hai

    gauhar ko aqd-e-gardan-e-ḳhūbāñ meñ dekhnā

    kyā auj par sitāra-e-gauhar-farosh hai

    dīdār baada hausla saaqī nigāh mast

    bazm-e-ḳhayāl mai-kada-e-be-ḳharosh hai

    ai taaza vārdān-e-bisāt-e-havā-e-dil

    zinhār agar tumheñ havas-e-nā.e-o-nosh hai

    dekho mujhe jo dīda-e-ibrat-nigāh ho

    merī suno jo gosh-e-nasīhat-ne.osh hai

    sāqī-ba-jalva dushman-e-īmān-o-āgahī

    mutrib ba-naġhma rahzan-e-tamkīn-o-hosh hai

    shab ko dekhte the ki har gosha-e-bisāt

    dāmān-e-bāġhbān o kaf-e-gul-farosh hai

    luft-e-ḳhiram-e-sāqī o zauq-e-sadā-e-chang

    ye jannat-e-nigāh vo firdaus-e-gosh hai

    sub.h-dam jo dekhiye aa kar to bazm meñ

    ne vo surūr o soz na josh-o-ḳharosh hai

    dāġh-e-firāq-e-sohbat-e-shab jalī huī

    ik sham.a rah ga.ī hai so vo bhī ḳhamosh hai

    aate haiñ ġhaib se ye mazāmīñ ḳhayāl meñ

    'ġhālib' sarīr-e-ḳhāma navā-e-sarosh hai

    zulmat-kade mein mere shab-e-gham ka josh hai

    ek shama hai dalil-e-sahar so KHamosh hai

    ne muzhda-e-visal na nazzara-e-jamal

    muddat hui ki aashti-e-chashm-o-gosh hai

    mai ne kiya hai husn-e-KHud-ara ko be-hijab

    ai shauq! han ijazat-e-taslim-e-hosh hai

    gauhar ko aqd-e-gardan-e-KHuban mein dekhna

    kya auj par sitara-e-gauhar-farosh hai

    didar baada hausla saqi nigah mast

    bazm-e-KHayal mai-kada-e-be-KHarosh hai

    ai taza wardan-e-bisat-e-hawa-e-dil

    zinhaar agar tumhein hawas-e-nae-o-nosh hai

    dekho mujhe jo dida-e-ibrat-nigah ho

    meri suno jo gosh-e-nasihat-neosh hai

    saqi-ba-jalwa dushman-e-iman-o-agahi

    mutrib ba-naghma rahzan-e-tamkin-o-hosh hai

    ya shab ko dekhte the ki har gosha-e-bisat

    daman-e-baghban o kaf-e-gul-farosh hai

    luft-e-KHiram-e-saqi o zauq-e-sada-e-chang

    ye jannat-e-nigah wo firdaus-e-gosh hai

    ya subh-dam jo dekhiye aa kar to bazm mein

    ne wo surur o soz na josh-o-KHarosh hai

    dagh-e-firaq-e-sohbat-e-shab ki jali hui

    ek shama rah gai hai so wo bhi KHamosh hai

    aate hain ghaib se ye mazamin KHayal mein

    'ghaalib' sarir-e-KHama nawa-e-sarosh hai

    Videos
    This video is playing from YouTube

    Videos
    This video is playing from YouTube

    Mohammad Rafi

    Mohammad Rafi

    Shailly Kapoor

    Shailly Kapoor

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY