hamd
saare 'aalam kii hai tujhii se numuud
tuu hii KHaaliq hai sab kaa ai maa'buud
sab me.n jalva tiraa nazar aayaa
chiize.n duniyaa me.n jitnii hai.n maujuud
yaad se terii chain miltaa hai
zikr teraa hai ruuh kaa maqsuud
tuu madad-gaar hai har insaa.n kaa
raaste kholtaa hai tuu masduud
sach kaa tuu raasta dikhaataa hai
rahnumaa.ii se terii hai.n mas’uud
jitnii chiize.n hai.n un kii ik had hai
sirf hai terii zaat laa-mahduud
hai 'ibaadat faqat tirii laazim
sirf tere liye qayaam-o-sujuud
tere mahbuub ke zarii’e se
hu.aa mahsuus har safed-o-kabuud
shirk kartaa hai jo bashar 'qaisar'
aisaa insaan hotaa hai marduud
saare 'aalam kii hai tujhii se numuud
tuu hii KHaaliq hai sab kaa ai maa'buud
sab me.n jalva tiraa nazar aayaa
chiize.n duniyaa me.n jitnii hai.n maujuud
yaad se terii chain miltaa hai
zikr teraa hai ruuh kaa maqsuud
tuu madad-gaar hai har insaa.n kaa
raaste kholtaa hai tuu masduud
sach kaa tuu raasta dikhaataa hai
rahnumaa.ii se terii hai.n mas’uud
jitnii chiize.n hai.n un kii ik had hai
sirf hai terii zaat laa-mahduud
hai 'ibaadat faqat tirii laazim
sirf tere liye qayaam-o-sujuud
tere mahbuub ke zarii’e se
hu.aa mahsuus har safed-o-kabuud
shirk kartaa hai jo bashar 'qaisar'
aisaa insaan hotaa hai marduud
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
