حمد

سارے عالم کی ہے تجھی سے نمود

تو ہی خالق ہے سب کا اے معبود

سب میں جلوہ ترا نظر آیا

چیزیں دنیا میں جتنی ہیں موجود

یاد سے تیری چین ملتا ہے

ذکر تیرا ہے روح کا مقصود

تو مددگار ہے ہر انساں کا

راستے کھولتا ہے تو مسدود

سچ کا تو راستہ دکھاتا ہے

رہنمائی سے تیری ہیں مسعود

جتنی چیزیں ہیں ان کی اک حد ہے

صرف ہے تیری ذات لا محدود

ہے عبادت فقط تری لازم

صرف تیرے لیے قیام و سجود

تیرے محبوب کے ذریعے سے

ہوا محسوس ہر سفید و کبود

شرک کرتا ہے جو بشر قیصرؔ

ایسا انسان ہوتا ہے مردود