savaal tere hai.n saare javaab bhii teraa
savaal tere hai.n saare javaab bhii teraa
hisaab teraa hai roz-e-hisaab bhii teraa
ye saarii raate.n bhii terii hai.n ratjage bhii tire
ye merii nii.nd bhii terii hai KHvaab bhii teraa
ye phal ye phuul ye paude shajar hajar bhii tire
ye chaa.nd taare tire aaftaab bhii teraa
tiraa hii naam likhaa hai badan pe KHushbuu ke
ye shaaKH-e-gul bhii tirii hai gulaab bhii teraa
tire 'alaava miraa kyaa hai kuchh nahii.n maulaa
miraa rasuul risaalat-ma.aab bhii teraa
banaayaa KHaak se mujh ko ye terii hikmat hai
hai aag terii havaa terii aab bhii teraa
tamaam aa.nkhe.n hai.n 'aajiz bhii aur taalib bhii
hai tere jalve me.n shaamil hijaab bhii teraa
KHataa.e.n 'nuur' kii kar de mu'aaf ai maulaa
karam bhii teraa hai aaKHir 'azaab bhii teraa
savaal tere hai.n saare javaab bhii teraa
hisaab teraa hai roz-e-hisaab bhii teraa
ye saarii raate.n bhii terii hai.n ratjage bhii tire
ye merii nii.nd bhii terii hai KHvaab bhii teraa
ye phal ye phuul ye paude shajar hajar bhii tire
ye chaa.nd taare tire aaftaab bhii teraa
tiraa hii naam likhaa hai badan pe KHushbuu ke
ye shaaKH-e-gul bhii tirii hai gulaab bhii teraa
tire 'alaava miraa kyaa hai kuchh nahii.n maulaa
miraa rasuul risaalat-ma.aab bhii teraa
banaayaa KHaak se mujh ko ye terii hikmat hai
hai aag terii havaa terii aab bhii teraa
tamaam aa.nkhe.n hai.n 'aajiz bhii aur taalib bhii
hai tere jalve me.n shaamil hijaab bhii teraa
KHataa.e.n 'nuur' kii kar de mu'aaf ai maulaa
karam bhii teraa hai aaKHir 'azaab bhii teraa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.