teraa jalva jidhar nazar aayaa

teraa jalva jidhar nazar aayaa

raqs kartaa udhar bashar aayaa

jis ko 'irfaan ho gayaa teraa

haath me.n le ke apnaa sar aayaa

ek sajda hu.aa thaa masjid me.n

aur ek KHaak par nazar aayaa

mai.n bhaTaktaa rahaa yuu.nhii lekin

sub.h bhuulaa thaa shaam ghar aayaa

tuu bazaahir kahii.n nahii.n zaahir

har nazaare me.n tuu magar aayaa

jo kabhii tujh talak nahii.n paho.nche

raah vo chho.D kar guzar aayaa

mai.n gunahgaar terii hamd-o-sanaa

mere she'ro.n pe ye samar aayaa

naav ko ab ko.ii nahii.n KHatra

naa-KHudaa tuu hai gar bha.nvar aayaa

us pe zaahir hu.aa yaqiinan tuu

karbalaa me.n jo naama-bar aayaa

raaz-e-hastii ko paa liyaa jis ne

taKHt-o-shaahii ko chho.D kar aaya

kahii.n sarhad tirii nahii.n maa'luum

kabhii ik qalb me.n utar aayaa

ek 'aashiq husain kii suurat

kabhii hur saa bhii be-KHabar aaya

jin ko idraak ho gayaa 'KHurram'

un ko bahlol kaa hunar aayaa

teraa jalva jidhar nazar aayaa

raqs kartaa udhar bashar aayaa

jis ko 'irfaan ho gayaa teraa

haath me.n le ke apnaa sar aayaa

ek sajda hu.aa thaa masjid me.n

aur ek KHaak par nazar aayaa

mai.n bhaTaktaa rahaa yuu.nhii lekin

sub.h bhuulaa thaa shaam ghar aayaa

tuu bazaahir kahii.n nahii.n zaahir

har nazaare me.n tuu magar aayaa

jo kabhii tujh talak nahii.n paho.nche

raah vo chho.D kar guzar aayaa

mai.n gunahgaar terii hamd-o-sanaa

mere she'ro.n pe ye samar aayaa

naav ko ab ko.ii nahii.n KHatra

naa-KHudaa tuu hai gar bha.nvar aayaa

us pe zaahir hu.aa yaqiinan tuu

karbalaa me.n jo naama-bar aayaa

raaz-e-hastii ko paa liyaa jis ne

taKHt-o-shaahii ko chho.D kar aaya

kahii.n sarhad tirii nahii.n maa'luum

kabhii ik qalb me.n utar aayaa

ek 'aashiq husain kii suurat

kabhii hur saa bhii be-KHabar aaya

jin ko idraak ho gayaa 'KHurram'

un ko bahlol kaa hunar aayaa