اپنے دل کا حال یارو ہم کسی سے کیا کہیں

اپنے دل کا حال یارو ہم کسی سے کیا کہیں

کوئی بھی ایسا نہیں ملتا جسے اپنا کہیں

ہو چکی جب ختم اپنی زندگی کی داستاں

ان کی فرمائش ہوئی ہے اس کو دوبارہ کہیں

آج اک خاموش ماتم سا ہمارے دل میں ہے

خواب کے سے دن ہیں ورنہ ہم اسے جینا کہیں

یاس دل کو باندھ سر پر جلد سایہ کر جنوں

دم نہیں اتنا جو تم سے سانس کا دھوکا کہیں

دیکھ کر کے آخر وقت ان کی محبت کی نظر

ہم کو یاد آیا وہ کچھ کہنا جسے شکوہ کہیں

اس کی پر حسرت نگاہیں دیکھ کر رحم آ گیا

ورنہ جی میں تھا کہ ہم بھی ہنس کے دیوانہ کہیں

قافلے والو کہاں جاتے ہو صحرا کی طرف

آؤ بیٹھو تم سے ہم مجنوں کا افسانہ کہیں

مشک بوئے زلف اس کی گھیر لے جس جا ہمیں

دل یہ کہتا ہے اسی کو اپنا کاشنا کہیں