rahguzar-e-dard ki sari katha kah lijiye

rahguzār-e-dard kī saarī kathā kah lījiye

manziloñ par justujū kā marsiya kah lījiye

ek rishta hai abhī baaqī hamārā aap se

ab use kahiye tasavvur yā duā kah lījiye

rañg haiñ qaa.em agar apnī jagah par dosto

phir mirī āñkhoñ ko dhuñdhlā aa.ina kah lījiye

ab hirās-e-vus.at-e-shab kī yahī tadbīr hai

chāñd ko sūraj añdhere ko ziyā kah lījiye

pūchhte haiñ log jab mujh se judā.ī kā sabab

kah diyā kartā huuñ qismat kā likhā kah lījiye

ab kahāñ vo rañg-e-ḳhūn-e-dil kī akkāsī ki ab

sher-goī kā mahz ik mashġhala kah lījiye

ham miTe jaate haiñ 'sāhil' ibtidā-e-shauq meñ

aap chāheñ to usī ko intihā kah lījiye

rahguzar-e-dard ki sari katha kah lijiye

manzilon par justuju ka marsiya kah lijiye

ek rishta hai abhi baqi hamara aap se

ab use kahiye tasawwur ya dua kah lijiye

rang hain qaem agar apni jagah par dosto

phir meri aankhon ko dhundhla aaina kah lijiye

ab hiras-e-wusat-e-shab ki yahi tadbir hai

chand ko suraj andhere ko ziya kah lijiye

puchhte hain log jab mujh se judai ka sabab

kah diya karta hun qismat ka likha kah lijiye

ab kahan wo rang-e-KHun-e-dil ki akkasi ki ab

sher-goi ka mahz ek mashghala kah lijiye

hum miTe jate hain 'sahil' ibtida-e-shauq mein

aap chahen to usi ko intiha kah lijiye