سنو اب یوں ہی چلنے دو نہ کوئی شرط باندھو

سنو اب یوں ہی چلنے دو نہ کوئی شرط باندھو

مجھے گر کر سنبھلنے دو نہ کوئی شرط باندھو

پتنگیں تو اڑیں گی ہی وہ پروا ہو کہ پچھوا

ہوا کو رخ بدلنے دو نہ کوئی شرط باندھو

صبح کو کیا پتہ پوجا گھروں کے کام آئے

دیا جلتا ہے جلنے دو نہ کوئی شرط باندھو

ندی بن کر کے بہتی ہے شکھر کی برف ہے یہ

اسے یوں ہی پگھلنے دو نہ کوئی شرط باندھو

یہ سپنے ہیں انہیں ہی دیکھ کر آگے بڑھاؤ

انہیں آنکھوں میں پلنے دو نہ کوئی شرط باندھو

یہ گھر کے پھول ہی مہکائیں گے سارے جہاں کو

انہیں باہر نکلنے دو نہ کوئی شرط باندھو

ہے جب تک چاندنی کی مے یہ چندہ کی صراحی

کنورؔ یہ جام ڈھلنے دو نہ کوئی شرط باندھو