حفیظ کا تعارف

پطرس بخاری اور حفیظ جالندھری اکٹھے سفر کررہے تھے کہ ایک اسٹیشن پر پطرس کے ایک دوست اسی ڈبے میں داخل ہوئے۔ پطرس نے یہ کہہ کر حفیظ صاحب کا تعارف ان سے کرایا،

’’آپ ہیں ہندوستان کے نامور شاعر، فردوسیٔ اسلام، مصنف شاہنامۂ اسلام، نغمہ زار اور سوزو ساز حضرت ابوالاثر حفیظ جالندھری۔‘‘ اس دوست نے انتہائی عالم اشتیاق میں ہاتھ بڑھا کے ان سے مصافحہ کرتے ہوئے کہا، ’’اچھاآپ جالندھر کے رہنے والے ہیں، السلام علیکم‘‘