haq kahan hai wahin hai jahan hai ali
haq kahan hai wahin hai jahan hai ali
Syed Wajih Ul Hassan Sherazi
MORE BYSyed Wajih Ul Hassan Sherazi
haq kahāñ hai vahīñ hai jahāñ hai 'alī
mustafā ne kahā merī jaañ hai 'alī
pūchhte kyā ho mujh se 'alī kaun hai
jis se bole ḳhudā vo zabāñ hai 'alī
jism jis kā nahīñ us kā chehra hai ye
rab ke hone kā akbar nishāñ hai 'alī
vo kalīse meñ masjid meñ rahtā nahīñ
lā-makāñ hai jahāñ vo makāñ hai 'alī
kyā kahoge bhalā gar ḳhudā pūchh le
in namāzoñ meñ batlā kahāñ hai 'alī
mushkileñ ham se Dartī haiñ kuchh is liye
mushkiloñ ko ḳhabar hai yahāñ hai 'alī
ye to mumkin nahīñ koī samjhe ise
bas ḳhudā pe nabī pe 'ayāñ hai 'alī
jang laḌtā thā yuuñ thī sadā har taraf
hai yahāñ par yahāñ par yahāñ hai 'alī
ye dilerī hai sher-e-ḳhudā kī 'hasan'
apne qātil kā bhī mezbāñ hai 'alī
haq kahan hai wahin hai jahan hai 'ali
mustafa ne kaha meri jaan hai 'ali
puchhte kya ho mujh se 'ali kaun hai
jis se bole KHuda wo zaban hai 'ali
jism jis ka nahin us ka chehra hai ye
rab ke hone ka akbar nishan hai 'ali
wo kalise mein masjid mein rahta nahin
la-makan hai jahan wo makan hai 'ali
kya kahoge bhala gar KHuda puchh le
in namazon mein batla kahan hai 'ali
mushkilen hum se Darti hain kuchh is liye
mushkilon ko KHabar hai yahan hai 'ali
ye to mumkin nahin koi samjhe ise
bas KHuda pe nabi pe 'ayan hai 'ali
jang laDta tha yun thi sada har taraf
hai yahan par yahan par yahan hai 'ali
ye dileri hai sher-e-KHuda ki 'hasan'
apne qatil ka bhi mezban hai 'ali
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
