aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dilli ki bus

Saghar Khayyami

dilli ki bus

Saghar Khayyami

MORE BYSaghar Khayyami

    thartharātī kāñptī aa.ī jo bus-stop par

    chaḌh gayā bonnet pe koī aur koī top par

    sūratan sajjan manush lekin nazar thī paap par

    hashr hañgām thā ġhālib the beTe baap par

    karvaToñ se bus bus meñ aur halchal ho ga.ī

    dāstān-e-ishq kitnoñ mukammal ho ga.ī

    ho gayā thā bhiiḌ se har shaḳhs bus meñ chiḌchiḌā

    ek bus meñ khaḌā thā shahr chhoTā baḌā

    jab koī andar ghisā to koī bāhar gir paḌā

    chit paḌā thā bus meñ koī koī sar ke bal khaḌā

    yog ke jitne the aasan bas meñ ik din ho ga.e

    jeb meñ rakkhe chane pis pis ke besan ho ga.e

    aañkh meñ ik baar tasvīr-e-yatīmī phir ga.ī

    maiñ to andar ghus gayā chappal vahīñ par gir ga.ī

    sar se sarkī ek Topī kis ke kis ke sar ga.ī

    zikr kyā dāmāñ kiije āstīñ tak chaḌh ga.ī

    is qadar ragḌī ga.ī bilkul purānī ho ga.ī

    gahrī niilī shervānī āsmānī ho ga.ī

    gore gore surḳh chehre pyaas se murjhā.e the

    saḳht garmī ke sabab bachche kahīñ chillā.e the

    ek sāhib bhiiḌ meñ kuchh is qadar ghabrā.e the

    apnī guddī jaan ke guddī mirī khulā.e the

    rafta rafta vo sarak ke pairahan meñ aa ga.e

    un ke muñh ke paan tak mere dahan meñ aa ga.e

    thā yaqīñ dil ko mire sargarmī-e-raftār se

    rahī hai dūsrī duniyā meñ vo sansār se

    is qadar jhaTke liye us nāznīñ ne pyaar se

    phañs ga.ī būḌhe dāḌhī gesū-e-ḳhamdār se

    jab break par paañv maarā accelerator chhoḌ kar

    rakh diyā kam-baḳht ne sab muqaddar phoḌ kar

    haDDī haDDī ho ga.ī thī aadmī chuur chuur

    dekh ke hālāt bus ke kah rahe the bā-shu.ūr

    dīdanī hai kis qadar nazzāra-e-hūr-o-qusūr

    chhoḌ kar motor-nashīnī ik daf.a dekheñ zarūr

    jānte haiñ dosto! jin nazar bārīk hai

    bus ke darvāza se jannat kis qadar nazdīk hai

    thartharaati kanpti aai jo bus-stop par

    chaDh gaya bonnet pe koi aur koi top par

    suratan sajjan manush lekin nazar thi pap par

    hashr ka hangam tha ghaalib the beTe bap par

    karwaTon se bus ki bus mein aur halchal ho gai

    dastan-e-ishq kitnon ki mukammal ho gai

    ho gaya tha bhiD se har shaKHs bus mein chiDchiDa

    ek hi bus mein khaDa tha shahr ka chhoTa baDa

    jab koi andar ghisa to koi bahar gir paDa

    chit paDa tha bus mein koi koi sar ke bal khaDa

    yog ke jitne the aasan bas mein ek din ho gae

    jeb mein rakkhe chane pis pis ke besan ho gae

    aankh mein ek bar taswir-e-yatimi phir gai

    main to andar ghus gaya chappal wahin par gir gai

    sar se sarki ek Topi kis ke kis ke sar gai

    zikr kya daman ka kije aastin tak chaDh gai

    is qadar ragDi gai bilkul purani ho gai

    gahri nili sherwani aasmani ho gai

    gore gore surKH chehre pyas se murjhae the

    saKHt garmi ke sabab bachche kahin chillae the

    ek sahib bhiD mein kuchh is qadar ghabrae the

    apni guddi jaan ke guddi meri khulae the

    rafta rafta wo sarak ke pairahan mein aa gae

    un ke munh ke pan tak mere dahan mein aa gae

    tha yaqin dil ko mere sargarmi-e-raftar se

    ja rahi hai dusri duniya mein wo sansar se

    is qadar jhaTke liye us naznin ne pyar se

    phans gai buDhe ki daDhi gesu-e-KHamdar se

    jab break par panw mara accelerator chhoD kar

    rakh diya kam-baKHt ne sab ka muqaddar phoD kar

    haDDi haDDi ho gai thi aadmi ki chur chur

    dekh ke haalat bus ke kah rahe the ba-shuur

    didani hai kis qadar nazzara-e-hur-o-qusur

    chhoD kar motor-nashini ek dafa dekhen zarur

    jaante hain dosto! jin ki nazar barik hai

    bus ke darwaza se jannat kis qadar nazdik hai

    Source:

    kulliyat-e-saghar khyaamii (Pg. 185)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now