مولوی سارے یہی کہتے ہیں سنئے حضرات

مولوی سارے یہی کہتے ہیں سنئے حضرات

زندگی نام ہے کھاتے ہوئے مر جانے کا

مرغ چاہے ہو کسی کا اسے قابو کر لو

تاکہ آ جائے مزہ تم کو ڈنر کھانے کا

ساس آ جائے تو کیوں گھر سے چپک جاتی ہے

یہ معمہ ہے سمجھنے کا نہ سمجھانے کا

رات کو صوفے پہ سویا میں بڑی مشکل سے

یہ تھا انعام مرے دیر سے گھر آنے کا

اتنی ناراض ہے بیوی مری مجھ سے کہ وہ

پوچھتی رہتی ہے ہر اک سے پتہ تھانے کا

بھیا بیوی سے ڈرو بات نہ اس کی ٹالو

ورنہ اندیشہ ہے پھر بھوک سے مر جانے کا

اپنی شوخی سے نہ باز آئے تم اب بھی حمادؔ

شیخ سے پوچھ لیا راستہ مے خانے کا