ملا جی کی بیوی کا جواب

پاپولر میرٹھی

ملا جی کی بیوی کا جواب

پاپولر میرٹھی

MORE BYپاپولر میرٹھی

    چوتھی شادی کر کے ملا جی بہت شاداں ہوئے

    اپنی قسمت کی بلندی دیکھ کر نازاں ہوئے

    یوں جوانوں کی طرح لائے دلہن کو ساتھ میں

    آ گئی ہو جیسے سلطانہ کہیں کی ہاتھ میں

    پہلے ہی دن سارے گھر کا جائزہ اس نے لیا

    اپنے شوہر کی نظر کا جائزہ اس نے لیا

    چار کیلیں خاص کمرے میں نظر آئیں اسے

    تین کیلوں پر دوپٹے بھی نظر آئے ٹنگے

    ملا جی سے اس نے پوچھا یہ دوپٹے کس کے ہیں

    یہ ہے کس کس کی نشانی یہ عطیے کس کے ہیں

    ملا جی نے یوں دیا اس کے سوالوں کا جواب

    اے مری پیاری دلہن اے آفتاب و مہتاب

    بیگمات سابقہ جو اس جہاں سے اٹھ گئیں

    یہ دوپٹے ہیں انہیں کی یادگار دل نشیں

    جب تم اس دنیا سے اٹھ جاؤ گی اے جان جہاں

    تب تمہارا بھی دوپٹہ ٹانگ دوں گا میں یہاں

    بولیں بیگم موت کے پنجے میں شوہر آئے گا

    اب دوپٹہ کا نہیں ٹوپی کا نمبر آئے گا

    مأخذ :
    • کتاب : Hans Kar Guzaar De (Pg. 160)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY