nau manzila building

Asad Mohammad Khan

nau manzila building

Asad Mohammad Khan

MORE BYAsad Mohammad Khan

    zamīñ raqs-e-paiham sard lohe nukīlī kiil, zanjīr-e-kashish, shāne

    aur ik nau manzila building

    aur is nau manzila building ko apne nā-tavāñ shānoñ bāqī-māñda quvvat se sambhāle

    is fasurda shahr sab se baḌī fōtpath par Tāñgeñ pasāre

    har guzarte vāhime ko takne vaalā maiñ

    ye barfīlī havā thī koī lamha

    sabā-raftār lamha barq-dam lamha

    jo merī uñgliyoñ ke darmiyāñ se ḳhvāb mānind guzrā

    kyā murūr-e-vaqt jaarī hai?

    mire lāġhar badan meñ kaun nāḳhun gāḌtā hai?

    kyuuñ zamīñ yaḳh-basta zambūroñ meñ mere paañv jakḌe hai

    maiñ āḳhir kaun huuñ? maiñ kaun huuñ? aur naam....

    merā naam kyā hai? kyā maiñ zinda huuñ?

    maiñ zinda huuñ maiñ zinda huuñ maiñ apnī chīḳh sun saktā huuñ

    ''ik pal ke liye Thahro bas ik pal ke liye Thahro

    ki is nau manzila building se apne nā-tavāñ shānoñ ko maiñ āzād to kar lūñ''

    maiñ kahtā huuñ maiñ suntā huuñ

    magar vo gurez-pā lamha havā ke dosh par uḌtā chalā jaatā hai ye nau manzila building

    mire mālik maiñ tanhā huuñ maiñ tanhā huuñ

    mirī jānib baḌe be-rahm sannāToñ meñ lipTī shaam baḌhtī aa rahī hai maiñ girā jaatā huuñ

    bolo! kyā maiñ lamhoñ ayāleñ apnī muTThī meñ jakaḌ luuñ?

    kyā maiñ is nau manzila building ko apne nā-tavāñ shānoñ se nīche pheñk duuñ

    uTh kar khaḌā ho jā.ūñ

    magar maiñ ne....

    magar maiñ ne to is nau manzila building ḳhātir nāḳhunoñ se niiv khodī thī

    zamin ka raqs-e-paiham sard lohe ki nukili kil, zanjir-e-kashish, shane

    aur ek nau manzila building

    aur is nau manzila building ko apne na-tawan shanon ki baqi-manda quwwat se sambhaale

    is fasurda shahr ki sab se baDi footpath par Tangen pasare

    har guzarte wahime ko takne wala main

    ye barfili hawa thi ya koi lamha

    saba-raftar lamha barq-dam lamha

    jo meri ungliyon ke darmiyan se KHwab ki manind guzra

    kya murur-e-waqt jari hai?

    mere laghar badan mein kaun naKHun gaDta hai?

    kyun zamin yaKH-basta zamburon mein mere panw jakDe hai

    main aaKHir kaun hun? main kaun hun? aur nam

    mera nam kya hai? kya main zinda hun?

    main zinda hun main zinda hun main apni chiKH sun sakta hun

    ik pal ke liye Thahro bas ek pal ke liye Thahro

    ki is nau manzila building se apne na-tawan shanon ko main aazad to kar lun

    main kahta hun main sunta hun

    magar wo gurez-pa lamha hawa ke dosh par uDta chala jata hai ye nau manzila building

    mere malik main tanha hun main tanha hun

    meri jaanib baDe be-rahm sannaTon mein lipTi sham baDhti aa rahi hai main gira jata hun

    bolo! kya main lamhon ki ayalen apni muTThi mein jakaD lun?

    kya main is nau manzila building ko apne na-tawan shanon se niche phenk dun

    uTh kar khaDa ho jaun

    magar main ne

    magar main ne to is nau manzila building ki KHatir naKHunon se niw khodi thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY