nazm

ek sāhab uḌtī chiḌiyā ke ginā karte the par

ḳhat kā mazmūñ bhāñp lete the lifāfa dekh kar

un ko qalmī-dostī karne kā chaska paḌ gayā

hote hote ik baḌī bī se muqaddar laḌ gayā

nāma-e-mahbūb kī tahrīr thī sahmī huī

un ko andāz-e-nigārish se ġhalat-fahmī huī

dūsre maktūb meñ de Daalā shādī kā payām

ishq kī ik jast ne tai kar diyā qissa tamām

kar ke shādī ghar meñ le aa.e use zillat-ma.āb

aur bure armān se ulTā jo chehre kā naqāb

haa.e kah kar laḌkhaḌā.e, vaa.e kah kar gir paḌe

piiT kar chhātī na.ī begam se yuuñ kahne lage

āzim-e-mulk-e-adam tujh ko javāñ samjhā thā maiñ

terī jaulāñ-gāh zer-e-āsmāñ samjhā thā maiñ

haa.e qismat january māñgī to july milī

haal kā tālib huā maazī tamannā.ī milī

mujh ko nānī-jān-marhūma kī yaad aa jaa.e hai

maiñ tujhe dekhūñ bhalā kab mujh se dekhā jaa.e hai

jān-e-izrā.īl ab naḳhroñ kā tere ġham karūñ

yā maiñ tujh par sūra-e-yāsīn paḌh kar dam karūñ

khul ke bolī vo mohabbat kī piTārī haa.e haa.e

kaisī kaisī duḳhtarān-e-mādar-e-ayyām haiñ

qabr meñ haiñ paañv laTkā.e magar gulfām haiñ

kyā huā mujh par hai gar unnīs-sau-chaudah kī chhāp

tū use paimāna-e-imroz-o-fardā se na naap

ek sahab uDti chiDiya ke gina karte the par

KHat ka mazmun bhanp lete the lifafa dekh kar

un ko qalmi-dosti karne ka chaska paD gaya

hote hote ek baDi bi se muqaddar laD gaya

nama-e-mahbub ki tahrir thi sahmi hui

un ko andaz-e-nigarish se ghalat-fahmi hui

dusre maktub mein de Dala shadi ka payam

ishq ki ek jast ne tai kar diya qissa tamam

kar ke shadi ghar mein le aae use zillat-maab

aur bure arman se ulTa jo chehre ka naqab

hae kah kar laDkhaDae, wae kah kar gir paDe

piT kar chhati nai begam se yun kahne lage

aazim-e-mulk-e-adam tujh ko jawan samjha tha main

teri jaulan-gah zer-e-asman samjha tha main

hae qismat january mangi to july mili

haal ka talib hua mazi tamannai mili

mujh ko nani-jaan-marhuma ki yaad aa jae hai

main tujhe dekhun bhala kab mujh se dekha jae hai

jaan-e-izrail ab naKHron ka tere gham karun

ya main tujh par sura-e-yasin paDh kar dam karun

khul ke boli wo mohabbat ki piTari hae hae

kaisi kaisi duKHtaran-e-madar-e-ayyam hain

qabr mein hain panw laTkae magar gulfam hain

kya hua mujh par hai gar unnis-sau-chaudah ki chhap

tu use paimana-e-imroz-o-farda se na nap