شرارت پر شرارت ٹھیک ہے کیا

شرارت پر شرارت ٹھیک ہے کیا

پھر اس پر بھی قناعت ٹھیک ہے کیا

ابھی جی بھر کے دیکھا بھی نہیں ہے

لگے لینے اجازت ٹھیک ہے کیا

چلی آؤ بھی اب میکے سے بیگم

دسمبر میں یہ فرقت ٹھیک ہے کیا

ترے ماں باپ اور بھائی کے ڈر سے

کروں ہر دم میں ہجرت ٹھیک ہے کیا

ہمیشہ ڈانٹتی رہتی ہو مجھ کو

بتاؤ تم یہ عادت ٹھیک ہے کیا

ہمیشہ اپنوں پر ہی بھونکنا ہے

یہ کتوں جیسی خصلت ٹھیک ہے کیا

ابھی آئے ابھی تم جا رہے ہو

اے عاطفؔ اتنی عجلت ٹھیک ہے کیا