aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tamasha mere aage

Dilawar Figar

tamasha mere aage

Dilawar Figar

MORE BYDilawar Figar

    maiñ shahr-e-karachi se kahāñ bahr-e-safar jā.ūñ

    chāhtā hai ab maiñ isī shahr meñ mar jā.ūñ

    is shahr-e-nigārāñ ko jo chhoḌūñ to kidhar jā.ūñ

    sahrā mire pīchhe hai to dariyā mire aage

    is shahr meñ kuchh husn me.aar nahīñ hai

    beauty zarūrat sar-e-bāzār nahīñ hai

    yūsuf yahāñ koī ḳharīdār nahīñ hai

    show-case meñ baiThī hai zuleḳhā mire aage

    is baaġh meñ kuchh qadr nahīñ naġhmagarī

    ulTī hai yahāñ chaal nasīm-e-saharī

    had ho ga.ī kaj-fahmī o āshufta-sarī

    bulbul ko burā kahtā hai kavvā mire aage

    rishvat bhī yahāñ ek maraz hai muta.addī

    apnā to yahī pesha hai ābā.ī-o-jaddī

    bechūñgā mansūḳh-shuda noToñ raddī

    jo maiñ ne kiyā thā vahī aayā mire aage

    ik chiiz hai is shahr-e-karachi gadhā bhī

    hushiyār bhī ahmaq bhī purānā bhī nayā bhī

    kam-baḳht ko aatī nahīñ tahzīb zarā bhī

    kartā hai sar-e-bazm vo ġhamza mire aage

    hotel meñ yahāñ jaao to āvāz yahī aa.e

    is bhaa.ī do aanā udhar ek kaḌak chaa.e

    is seTh ik gurda chachā-jān ke do paa.e

    murġhī jo order hai use chūlhe meñ Daalo

    is seTh bhejā zarā jaldī se nikālo

    ik miiT fry karo ik anDā ubālo

    ye seTh jo baiThā hai ise qiima banāo

    sāhib sirī ThanDī hai kuchh aañch dikhāo

    chaa.e meñ shakar maaro ise lambā pakāo

    mere ne jo bolā hai vahī mere ko laao

    urdu meñ ye farmātā hai bairā mire aage

    hotā hai shab-o-roz tamāshā mire aage

    main shahr-e-karachi se kahan bahr-e-safar jaun

    ji chahta hai ab main isi shahr mein mar jaun

    is shahr-e-nigaran ko jo chhoDun to kidhar jaun

    sahra mere pichhe hai to dariya mere aage

    is shahr mein kuchh husn ka mear nahin hai

    beauty ki zarurat sar-e-bazar nahin hai

    yusuf ka yahan koi KHaridar nahin hai

    show-case mein baiThi hai zuleKHa mere aage

    is bagh mein kuchh qadr nahin naghmagari ki

    ulTi hai yahan chaal nasim-e-sahari ki

    had ho gai kaj-fahmi o aashufta-sari ki

    bulbul ko bura kahta hai kawwa mere aage

    rishwat bhi yahan ek maraz hai mutaddi

    apna to yahi pesha hai aabai-o-jaddi

    la bechunga mansuKH-shuda noTon ki raddi

    jo main ne kiya tha wahi aaya mere aage

    ek chiz hai is shahr-e-karachi ka gadha bhi

    hushiyar bhi ahmaq bhi purana bhi naya bhi

    kam-baKHt ko aati nahin tahzib zara bhi

    karta hai sar-e-bazm wo ghamza mere aage

    hotel mein yahan jao to aawaz yahi aae

    is bhai ka do aana udhar ek kaDak chae

    is seTh ka ek gurda chacha-jaan ke do pae

    murghi ka jo order hai use chulhe mein Dalo

    is seTh ka bheja zara jaldi se nikalo

    ek miT fry karo ek anDa ubaalo

    ye seTh jo baiTha hai ise qima banao

    sahib ki siri ThanDi hai kuchh aanch dikhao

    chae mein shakar maro ise lamba pakao

    mere ne jo bola hai wahi mere ko lao

    urdu mein ye farmata hai baira mere aage

    hota hai shab-o-roz tamasha mere aage

    Source:

    Kulliyat Dilawar Figar (Pg. 335)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now