wo shaKHs kabhi jis ne mera ghar nahin dekha

vo shaḳhs kabhī jis ne mirā ghar nahīñ dekhā

us shaḳhs ko maiñ ne kabhī ghar par nahīñ dekhā

kyā dekhoge hāl-e-dil-e-barbād ki tum ne

curfew meñ mire shahr kā manzar nahīñ dekhā

jaañ dene ko pahuñche the sabhī terī galī meñ

bhāge to kisī ne bhī palaT kar nahīñ dekhā

dāḌhī tire chehre pe nahīñ hai to ajab kyā

yāroñ ne tire peT ke andar nahīñ dekhā

tafrīh ye hotī hai ki ham sair kī ḳhātir

sāhil pe ga.e aur samundar nahīñ dekhā

fōtpath pe bhī ab nazar aate haiñ commissioner

kyā tum ne koī oth commissioner nahīñ dekhā

afsos ki ik shaḳhs ko dil dene se pahle

maTke kī tarah Thoñk bajā kar nahīñ dekhā

wo shaKHs kabhi jis ne mera ghar nahin dekha

us shaKHs ko main ne kabhi ghar par nahin dekha

kya dekhoge haal-e-dil-e-barbaad ki tum ne

curfew mein mere shahr ka manzar nahin dekha

jaan dene ko pahunche the sabhi teri gali mein

bhage to kisi ne bhi palaT kar nahin dekha

daDhi tere chehre pe nahin hai to ajab kya

yaron ne tere peT ke andar nahin dekha

tafrih ye hoti hai ki hum sair ki KHatir

sahil pe gae aur samundar nahin dekha

footpath pe bhi ab nazar aate hain commissioner

kya tum ne koi oth commissioner nahin dekha

afsos ki ek shaKHs ko dil dene se pahle

maTke ki tarah Thonk baja kar nahin dekha