zahr bimar ko murde ko dawa di jae

zahr bīmār ko murde ko davā dī jaa.e

hai yahī rasm to ye rasm uThā dī jaa.e

vasl kī raat jo mahbūb kahe good night

qā.eda ye hai ki english meñ duā dī jaa.e

aaj jalse haiñ bahut shahr meñ leader kam haiñ

ehtiyātan mujhe taqrīr raTā dī jaa.e

maar khāne se mujhe aar nahīñ hai lekin

piT chukūñ maiñ to koī vaj.h batā dī jaa.e

merī vahshat kī ḳhabar ghar ko huī hai jab se

chhat ye kahtī hai ki dīvār haTā dī jaa.e

bas meñ baiThī hai mire paas jo ik zohra-jabīñ

mard niklegī agar zulf muñDā dī jaa.e

zahr bimar ko murde ko dawa di jae

hai yahi rasm to ye rasm uTha di jae

wasl ki raat jo mahbub kahe good night

qaeda ye hai ki english mein dua di jae

aaj jalse hain bahut shahr mein leader kam hain

ehtiyatan mujhe taqrir raTa di jae

mar khane se mujhe aar nahin hai lekin

piT chukun main to koi wajh bata di jae

meri wahshat ki KHabar ghar ko hui hai jab se

chhat ye kahti hai ki diwar haTa di jae

bas mein baiThi hai mere pas jo ek zohra-jabin

mard niklegi agar zulf munDa di jae