aaj-kal se kuchh na tufan-za hai chashm-e-girya-nak

āj-kal se kuchh na tūfāñ-zā hai chashm-e-girya-nāk

maujzan barsoñ se hai dariyā hai chashm-e-girya-nāk

yuuñ na ro.o to na ro.o varna rūd-o-chāh se

har qadam is dasht meñ paidā hai chashm-e-girya-nāk

dil se aage Tuk qadam rakkho to phir bhī dilbaro

sair-qābil dīdanī ik jā hai chashm-e-girya-nāk

be-gudāz-e-dil nahīñ imkān ronā is qadar

tah ko pahuñcho ḳhuub to parda hai chashm-e-girya-nāk

sūjhtā apnā kare kuchh abr to hai maslahat

josh-e-ġham se jaise nā-bīnā hai chashm-e-girya-nāk

sabz hai rone se mere gosha gosha dasht kā

bā’is-e-ābādī-e-sahrā hai chashm-e-girya-nāk

ve hinā.ī pā mirī āñkhoñ hī meñ phirte haiñ 'mīr'

yā'nī har-dam us ke zer-e-pā hai chashm-e-girya-nāk

aaj-kal se kuchh na tufan-za hai chashm-e-girya-nak

maujzan barson se hai dariya hai chashm-e-girya-nak

yun na roo to na roo warna rud-o-chah se

har qadam is dasht mein paida hai chashm-e-girya-nak

dil se aage Tuk qadam rakkho to phir bhi dilbaro

sair-qabil didani ek ja hai chashm-e-girya-nak

be-gudaz-e-dil nahin imkan rona is qadar

tah ko pahuncho KHub to parda hai chashm-e-girya-nak

sujhta apna kare kuchh abr to hai maslahat

josh-e-gham se jaise na-bina hai chashm-e-girya-nak

sabz hai rone se mere gosha gosha dasht ka

ba’is-e-abaadi-e-sahra hai chashm-e-girya-nak

we hinai pa meri aankhon hi mein phirte hain 'mir'

ya'ni har-dam us ke zer-e-pa hai chashm-e-girya-nak