aankhon ki taraf gosh ki dar-parda nazar hai

āñkhoñ kī taraf gosh kī dar-parda nazar hai

kuchh yaar ke aane kī magar garm ḳhabar hai

ye rāh-o-ravish sarv-e-gulistāñ meñ na hogī

is qāmat-e-dilchasp kā andāz digar hai

ye bādiya-e-ishq hai albatta idhar se

bach kar nikal ai sail ki yaañ sher kā Dar hai

vo nāvak-e-dil-doz hai laagū mire jī kā

tū sāmne ho hamdam agar tujh ko jigar hai

kyā phail paḌī muddat-e-hijrāñ ko na pūchho

mah saal huā ham ko ghaḌī ek pahar hai

kyā jaan ki jis ke liye muñh moḌiye tum se

tum aao chale dā’iya kuchh tum ko agar hai

tujh sā to savār ek bhī mahbūb na niklā

jis dilbar-e-ḳhud-kām ko dekhā so nafar hai

shab shor-o-fuġhāñ karte ga.ī mujh ko tū ab to

dam-kash ho Tuk ai murġh-e-chaman vaqt-e-sahar hai

soche the ki saudā-e-mohabbat meñ hai kuchh suud

ab dekhte haiñ us meñ to jī hī kā zarar hai

shāne pe rakhā haar jo phūloñ kā to lachkī

kyā saath nazākat ke rag-e-gul sī kamar hai

kar kaam kisū dil meñ ga.ī arsh pe to kyā

ai āh-e-sahar-gāh agar tujh meñ asar hai

paiġhām bhī kyā kariye ki aubāsh hai zālim

har harf miyāñ daar pe shamshīr-o-sipar hai

har bait meñ kyā 'mīr' tirī bāteñ guthī haiñ

kuchh aur suḳhan kar ki ġhazal silk-e-guhar hai

aankhon ki taraf gosh ki dar-parda nazar hai

kuchh yar ke aane ki magar garm KHabar hai

ye rah-o-rawish sarw-e-gulistan mein na hogi

is qamat-e-dilchasp ka andaz digar hai

ye baadiya-e-ishq hai albatta idhar se

bach kar nikal ai sail ki yan sher ka Dar hai

wo nawak-e-dil-doz hai lagu mere ji ka

tu samne ho hamdam agar tujh ko jigar hai

kya phail paDi muddat-e-hijran ko na puchho

mah sal hua hum ko ghaDi ek pahar hai

kya jaan ki jis ke liye munh moDiye tum se

tum aao chale da’iya kuchh tum ko agar hai

tujh sa to sawar ek bhi mahbub na nikla

jis dilbar-e-KHud-kaam ko dekha so nafar hai

shab shor-o-fughan karte gai mujh ko tu ab to

dam-kash ho Tuk ai murgh-e-chaman waqt-e-sahar hai

soche the ki sauda-e-mohabbat mein hai kuchh sud

ab dekhte hain us mein to ji hi ka zarar hai

shane pe rakha haar jo phulon ka to lachki

kya sath nazakat ke rag-e-gul si kamar hai

kar kaam kisu dil mein gai arsh pe to kya

ai aah-e-sahar-gah agar tujh mein asar hai

paigham bhi kya kariye ki aubash hai zalim

har harf miyan dar pe shamshir-o-sipar hai

har bait mein kya 'mir' teri baaten guthi hain

kuchh aur suKHan kar ki ghazal silk-e-guhar hai