aate hi aate tere ye nakaam ho chuka

aate hī aate tere ye nākām ho chukā

vaañ kaam hī rahā tujhe yaañ kaam ho chukā

yā ḳhat chale hī aate the yā harf hī nahīñ

shāyad ki sādgī kā vo hangām ho chukā

mausam gayā vo tark-e-mohabbat kā nāsehā

maiñ ab to ḳhās-o-ām meñ badnām ho chukā

nā-āshnā-e-harf thā vo shoḳh jab tabhī

ham se to tark-e-nāma-o-paiġhām ho chukā

taḌpe hai jab ki siine meñ uchhle hai do do haath

gar dil yahī hai 'mīr' to ārām ho chukā

aate hi aate tere ye nakaam ho chuka

wan kaam hi raha tujhe yan kaam ho chuka

ya KHat chale hi aate the ya harf hi nahin

shayad ki sadgi ka wo hangam ho chuka

mausam gaya wo tark-e-mohabbat ka naseha

main ab to KHas-o-am mein badnam ho chuka

na-ashna-e-harf tha wo shoKH jab tabhi

hum se to tark-e-nama-o-paigham ho chuka

taDpe hai jab ki sine mein uchhle hai do do hath

gar dil yahi hai 'mir' to aaram ho chuka