ai pareshan-rabt dekhen kab talak ye daur hai

ai pareshāñ-rabt dekheñ kab talak ye daur hai

har galī kūche meñ terā ik du'ā-go aur hai

baal bal khaa.e hue pechoñ se pagḌī ke guthe

tarz-e-kīñ chitvan kī paa.ī sar meñ shor-e-jaur hai

ham se ye andāz-e-aubāshāna karnā kyā zarūr

aañkh TeḌhī ḳham hai abrū taur kuchh be-taur hai

tab' darham vaz' barham zaḳhm ġhā.ir chashm-e-tar

hāl-e-bad meñ bekasoñ ke kuchh tumheñ bhī ġhaur hai

kyā shikāyat kariye us ḳhurshīd-chehra yaar kī

mehr vo barsoñ nahīñ kartā sitam fil-faur hai

vasl kī daulat ga.ī huuñ tang faqr-e-hijr meñ

yā-ilāhī fazl kar ye haur-bā’d-al-kaur hai

us ke dīvāne ke sar par dāġh-e-saudā hai jo 'mīr'

vo muḳhabbat 'āshiqoñ kā is sabab sirmaur hai

ai pareshan-rabt dekhen kab talak ye daur hai

har gali kuche mein tera ek du'a-go aur hai

baal bal khae hue pechon se pagDi ke guthe

tarz-e-kin chitwan ki pai sar mein shor-e-jaur hai

hum se ye andaz-e-aubashana karna kya zarur

aankh TeDhi KHam hai abru taur kuchh be-taur hai

tab' darham waz' barham zaKHm ghair chashm-e-tar

haal-e-bad mein bekason ke kuchh tumhein bhi ghaur hai

kya shikayat kariye us KHurshid-chehra yar ki

mehr wo barson nahin karta sitam fil-faur hai

wasl ki daulat gai hun tang faqr-e-hijr mein

ya-ilahi fazl kar ye haur-ba’d-al-kaur hai

us ke diwane ke sar par dagh-e-sauda hai jo 'mir'

wo muKHabbat 'ashiqon ka is sabab sirmaur hai