arz-o-sama mein ishq hai sari chaaron or bhara hai ishq

arz-o-samā meñ ishq hai saarī chāroñ or bharā hai ishq

ham haiñ janāb-e-ishq ke bande nazdīk apne ḳhudā hai ishq

zāhir-o-bātin avval-o-āḳhir pā.īñ baalā ishq hai sab

nūr-o-zulmat mā'nī-o-sūrat sab kuchh aaphī huā hai ishq

ek taraf jibrīl aatā hai ek taraf laatā hai kitāb

ek taraf pinhāñ hai diloñ meñ ek taraf paidā hai ishq

ḳhāk-o-bād-o-āb-o-ātish sab hai muāfiq apne ta.iiñ

jo kuchh hai so ishq-e-butāñ hai kyā kahiye ab kyā hai ishq

'mīr' kahīñ hangāma-ārā maiñ to nahīñ huuñ chāhat kā

sabr na mujh se kiyā jaave to muaaf rakho ki nayā hai ishq

arz-o-sama mein ishq hai sari chaaron or bhara hai ishq

hum hain janab-e-ishq ke bande nazdik apne KHuda hai ishq

zahir-o-baatin awwal-o-aKHir pain baala ishq hai sab

nur-o-zulmat ma'ni-o-surat sab kuchh aaphi hua hai ishq

ek taraf jibril aata hai ek taraf lata hai kitab

ek taraf pinhan hai dilon mein ek taraf paida hai ishq

KHak-o-baad-o-ab-o-atish sab hai muafiq apne tain

jo kuchh hai so ishq-e-butan hai kya kahiye ab kya hai ishq

'mir' kahin hangama-ara main to nahin hun chahat ka

sabr na mujh se kiya jawe to muaf rakho ki naya hai ishq