baat kaho kya chupke chupke baiTh raho ho yan aakar

baat kaho kyā chupke chupke baiTh raho ho yaañ aakar

aise gūñge baiTho ho tum to baiThiye apne ghar jā kar

dil kā raaz kiyā maiñ zāhir bulbul se gulzār meñ lek

us be-tah ne sehn-e-chaman meñ jaan dī chillā chillā kar

jaisā pech-o-tāb par apne bālīda thā vaisā hī

mār-e-siyah ko rashk se maarā un bāloñ ne bal khā kar

DhūñDte tā atfāl phireñ na un ke junūñ kī ziyāfat meñ

bhar rakkhī haiñ shahr kī galiyāñ patthar ham ne lā lā kar

haahā hī-hī ne shoḳh kī mere tang kiyā ḳhush-rūyāñ ko

surḳh-o-zard hue ḳhajlat se chhūTe haahā haahā kar

chaah kā jo iz.hār kiyā to fart-e-sharm se jaan ga.ī

'ishq-e-shohrat-dost ne āḳhir maarā mujh ko rusvā kar

'mīr' ye kyā rotā hai jis se āñkhoñ par rūmāl rakhā

dāman ke har paaT ko apne girya-e-zār se dariyā kar

baat kaho kya chupke chupke baiTh raho ho yan aakar

aise gunge baiTho ho tum to baiThiye apne ghar ja kar

dil ka raaz kiya main zahir bulbul se gulzar mein lek

us be-tah ne sehn-e-chaman mein jaan di chilla chilla kar

jaisa pech-o-tab par apne baalida tha waisa hi

mar-e-siyah ko rashk se mara un baalon ne bal kha kar

DhunDte ta atfal phiren na un ke junun ki ziyafat mein

bhar rakkhi hain shahr ki galiyan patthar hum ne la la kar

haha hi-hi ne shoKH ki mere tang kiya KHush-ruyan ko

surKH-o-zard hue KHajlat se chhuTe haha haha kar

chah ka jo izhaar kiya to fart-e-sharm se jaan gai

'ishq-e-shohrat-dost ne aaKHir mara mujh ko ruswa kar

'mir' ye kya rota hai jis se aankhon par rumal rakha

daman ke har paT ko apne girya-e-zar se dariya kar