baKHt-e-siyah ki naql karen kis se chaal hum

baḳht-e-siyah kī naql kareñ kis se chaal ham

mehñdī lagī qadam se hue pā.emāl ham

kyūñkar na is chaman meñ hoñ itne niDhāl ham

yaañ phuul sūñgh sūñgh rahe māh-o-sāl ham

yā har galī meñ saiñkaḌoñ jis jā malīh the

yā zulf-o-ḳhat ko dekhte haiñ ḳhāl-ḳhāl ham

guzre hai jī meñ gah vo dahan gaah vo kamar

kyā jāneñ log rakhte haiñ kyā kyā ḳhayāl ham

jātīñ nahīñ uThā.ī ye ab sargirāniyāñ

maqdūr tak to apne ga.e Taal Taal ham

lohū kahāñ hai girya-e-ḳhūnīñ se tan ke biich

karte haiñ muñh ko apne tamāñchoñ se laal ham

vo tū hī hai ki marte haiñ sab tere taur par

hūr-o-parī ko jaan ke kab haiñ davāl ham

guzre hai bas-ki us kī judā.ī diloñ pe shaaq

muñh noch noch le haiñ 'alal-ittisāl ham

manzūr sajda hai hameñ us āftāb kā

zāhir meñ yuuñ kareñ haiñ namāz-e-zavāl ham

zāhir hue tumheñ bhī hamāre dam aur hosh

aa.e na phir tumhāre ga.e Tuk bahāl ham

mutlaq jahāñ meñ rahne ko jī chāhtā nahīñ

ab tum baġhair itne hue haiñ vabāl ham

nuqsān hogā us meñ na zāhir kahāñ talak

hoveñge jis zamāne ke sāhib-kamāl ham

thā kab gumāñ milegā vo dāman-savār 'mīr'

kal raah jaate muft hue pā.emāl ham

baKHt-e-siyah ki naql karen kis se chaal hum

mehndi lagi qadam se hue paemal hum

kyunkar na is chaman mein hon itne niDhaal hum

yan phul sungh sungh rahe mah-o-sal hum

ya har gali mein sainkaDon jis ja malih the

ya zulf-o-KHat ko dekhte hain KHal-KHal hum

guzre hai ji mein gah wo dahan gah wo kamar

kya jaanen log rakhte hain kya kya KHayal hum

jatin nahin uThai ye ab sargiraniyan

maqdur tak to apne gae Tal Tal hum

lohu kahan hai girya-e-KHunin se tan ke bich

karte hain munh ko apne tamanchon se lal hum

wo tu hi hai ki marte hain sab tere taur par

hur-o-pari ko jaan ke kab hain dawal hum

guzre hai bas-ki us ki judai dilon pe shaq

munh noch noch le hain 'alal-ittisal hum

manzur sajda hai hamein us aaftab ka

zahir mein yun karen hain namaz-e-zawal hum

zahir hue tumhein bhi hamare dam aur hosh

aae na phir tumhaare gae Tuk bahaal hum

mutlaq jahan mein rahne ko ji chahta nahin

ab tum baghair itne hue hain wabaal hum

nuqsan hoga us mein na zahir kahan talak

howenge jis zamane ke sahib-kamal hum

tha kab guman milega wo daman-sawar 'mir'

kal rah jate muft hue paemal hum