banda hai ya-KHuda nahin us dilruba ke sath

banda hai yā-ḳhudā nahīñ us dilrubā ke saath

dair-o-haram meñ ho kahīñ ho hai ḳhudā ke saath

miltā rahā kushāda-jabīñ ḳhūb-o-zisht se

kyā aa.ina kare hai basar yaañ hayā ke saath

go dast-e-lutf sar se uThā le koī shafīq

dil kā lagāo apnā hai dast-e-duā ke saath

tadbīr-e-dostāñ se hai bil-aks fā.eda

hai dard-e-āshiqī ko ḳhusūmat davā ke saath

kī kashtī us kī paak zabardast ishq ne

jin ne milā.e haath Tuk ek us balā ke saath

aubāsh laḌkoñ se to bahut kar chuke ma.āsh

ab umr kāTiyegā kisū mīrzā ke saath

kyā jānūñ maiñ chaman ko va-lekin qafas pe 'mīr'

aatā hai barg-e-gul kabhū koī sabā ke saath

banda hai ya-KHuda nahin us dilruba ke sath

dair-o-haram mein ho kahin ho hai KHuda ke sath

milta raha kushada-jabin KHub-o-zisht se

kya aaina kare hai basar yan haya ke sath

go dast-e-lutf sar se uTha le koi shafiq

dil ka lagao apna hai dast-e-dua ke sath

tadbir-e-dostan se hai bil-aks faeda

hai dard-e-ashiqi ko KHusumat dawa ke sath

ki kashti us ki pak zabardast ishq ne

jin ne milae hath Tuk ek us bala ke sath

aubash laDkon se to bahut kar chuke maash

ab umr kaTiyega kisu mirza ke sath

kya jaanun main chaman ko wa-lekin qafas pe 'mir'

aata hai barg-e-gul kabhu koi saba ke sath