barson hue gae hue us mah ko baam se

barsoñ hue ga.e hue us mah ko baam se

kāhish mujhe jo hai vahī hotī hai shaam se

taḌpe asiir hote jo ham yak uThā ġhubār

sūjhā na ham ko der talak chashm-e-dām se

dumbāl-e-har-nigāh hai sad-kārvān-e-ashk

barse hai chashm-e-abr baḌī dhūm-dhām se

mahv us dahān-e-tang ke haiñ koī kuchh kaho

rahtā hai ham ko ishq meñ kaam apne kaam se

yūsuf ke pīchhe ḳhvār zuleḳhā abas huī

kab sāhabī rahī hai mil aise ġhulām se

laḌke hazāroñ jholī meñ patthar liye haiñ saath

majnūñ phirā hai kaahe ko is izhdihām se

vo naaz se chalā kahīñ to hashr ho chuke

phir bahs aa paḌegī usī ke ḳhirām se

jhuk jhuk salām karne se sarkash huā vo aur

ho baiThe nā-umīd javāb-e-salām se

ve din ga.e ki raat ko yakjā ma.āsh thī

aatā hai ab to nang use mere naam se

sargarm-e-jalva badr ho har-chand shab ko lek

kab jī lageñ haiñ apne kisū nā-tamām se

dil aur arsh donoñ pe goyā hai un kī sair

karte haiñ bāteñ 'mīr' jī kis kis maqām se

barson hue gae hue us mah ko baam se

kahish mujhe jo hai wahi hoti hai sham se

taDpe asir hote jo hum yak uTha ghubar

sujha na hum ko der talak chashm-e-dam se

dumbaal-e-har-nigah hai sad-karwan-e-ashk

barse hai chashm-e-abr baDi dhum-dham se

mahw us dahan-e-tang ke hain koi kuchh kaho

rahta hai hum ko ishq mein kaam apne kaam se

yusuf ke pichhe KHwar zuleKHa abas hui

kab sahabi rahi hai mil aise ghulam se

laDke hazaron jholi mein patthar liye hain sath

majnun phira hai kahe ko is izhdiham se

wo naz se chala kahin to hashr ho chuke

phir bahs aa paDegi usi ke KHiram se

jhuk jhuk salam karne se sarkash hua wo aur

ho baiThe na-umid jawab-e-salam se

we din gae ki raat ko yakja maash thi

aata hai ab to nang use mere nam se

sargarm-e-jalwa badr ho har-chand shab ko lek

kab ji lagen hain apne kisu na-tamam se

dil aur arsh donon pe goya hai un ki sair

karte hain baaten 'mir' ji kis kis maqam se