bas ab ban chuke ru-o-mu-e-saman-bu

bas ab ban chuke rū-o-mu-e-saman-bū

girī ho ke behosh mashshāta yaksū

na samjhā gayā khel qudrat kā ham se

kiyā us ko bad-ḳhū banā kar nikorū

na dar-gīr kyūñkar ho aapas meñ sohbat

ki maiñ boriyā-posh vo ātishīñ-ḳhū

havā abr-o-sabze meñ chashmak hai gul kī

kareñ saaz ham barg-e-aish-e-lab-e-jū

bahār aa.ī gul-phūl sar joḌe nikle

raheñ baaġh meñ kaash is rang ham tū

rahe aabrū 'mīr' to hai ġhanīmat

ki ġhārat meñ dil kī hai īmā-e-abrū

bas ab ban chuke ru-o-mu-e-saman-bu

giri ho ke behosh mashshata yaksu

na samjha gaya khel qudrat ka hum se

kiya us ko bad-KHu bana kar nikoru

na dar-gir kyunkar ho aapas mein sohbat

ki main boriya-posh wo aatishin-KHu

hawa abr-o-sabze mein chashmak hai gul ki

karen saz hum barg-e-aish-e-lab-e-ju

bahaar aai gul-phul sar joDe nikle

rahen bagh mein kash is rang hum tu

rahe aabru 'mir' to hai ghanimat

ki ghaarat mein dil ki hai ima-e-abru